تفعيل فكرة أسبوع الخير

مشروع أسبوع الخير

نبذة عن الفكرة:
• عمل خيري يهدف لجمع الفائض من لوازم المعيشة من طلبة كلية هندسة أسوان والتبرع بها للأسر المحتاجة.
• عمل جماعي من الطلبة لتنشيط العمل الخيري بالكلية.
• ختام الأسبوع بيوم لخدمة الكلية وتجميلها وبهذا يكون الخير شمل خارج الكلية وداخل الكلية.

المطلوب من طلبة الكلية:
• التبرع بالفائض من لوازم الحياة والتي قد تساعد أسرة بها أيتام أو أسرة محتاجة وعلي سبيل المثال : - الملابس القديمة أو الجديدة.
- مواد غذائية.
- أدوات الدراسة من أقلام وكراسات…
• تجميع التبرعات بمسجد الطلبة والطالبات مؤقتاً -بعد الكتابة علي الكيس "أسبوع الخير"- أو اعطائها لأي عضو بأسرة بداية.
• المشاركة في يوم لتجميل الكلية والاهتمام بها.

---------------------------------------------

ده نموذج للدعاية اللي عايزة اعملها في الكلية للفكرة

مبدأياً انا مش عارفة امتي حيتم تفعيل الفكرة دي

يمكن لاني ما حضرتش آخر اجتماع بسبب انشغالي بالمحاضرات والسكاشن

بس فكرت ننشر الفكرة علي المنتدي

الي ان يأذن الله ببداية المشروع فعلياً في الكلية

وعلي كلٍ

فكل اللي عايز يشارك ممكن يساعد حالياً بنشر الفكرة والدعاية لها

وياريت أشوف رأيكم فيها........

ياريت يا باشمهندسه تقابلى م. سهام احمد سعد بالفرقه الثانيه كهرباء
وكذلك م. رحاب بالفرقه الرابعه حاسبات

اقتباس :: ياريت يا باشمهندسه تقابلى م. سهام احمد سعد بالفرقه الثانيه كهرباء
وكذلك م. رحاب بالفرقه الرابعه حاسبات

تمت المقابلة وسنعمل على التنفيد

وأخبرك يا دكتور هانى أننا أنجزنا المجلة وهى الآن عند الشؤن وننتظر سيادتك كى تمضى عليها
كما أننا بدأنا فى حملة (كلية بلا دخان وكتبنا اللوحات وهى أيضا عند الشؤن)
وفى إنتظار قدوم سيادتكم لبحث ما هو جديد من الأفكار

والله المستعان

hany madkour كتب:: ياريت يا باشمهندسه تقابلى م. سهام احمد سعد بالفرقه الثانيه كهرباء
وكذلك م. رحاب بالفرقه الرابعه حاسبات

أولا شكرا يا دكتور علي سرعة ردك واهتمامك

وتمت المقابلة بيني وبين رحاب النهاردة
اما سهام فهي معايا في الدفعة وكنا كلمنا حضرتك بعد الدوري الثقافي
وهي قالتلي ان الدعاية للفكرة حتبقي في مطوية الدعاية لافتتاح المعامل التخيلية
فأنا كنت بسأل....
هل بينفع أطبع الكلام اللي في الموضوع هنا؟؟؟
ويبقي وسيلة دعاية تانية
وبالنسبة للمكان اللي حنجمع فيه التبرعات دي
حيكون فين؟؟؟
لان بالفعل عندي كمية من التبرعات المبدأئية

وشكرا مرة تانية يا دكتور

قابلينى غدا مع المهندستين سهام ورحاب لتفعيل الفكره فورا بشكل أسرع ولمناقشه مكان تجميع التبرعات

اقتباس :

مشروع أسبوع الخير

شكرا يا باشمهندسه على طرحك للعمل الخيرى
وبصراحه الموضوع جميل وفكرته عظيمه وجميع الأهداف التى ذكرت أهداف قيمه
وأتمنى أن الموضوع ده يتم بسرعه وبشكل جيد ومنظم

اقتباس :

فكل اللي عايز يشارك ممكن يساعد حالياً بنشر الفكرة والدعاية لها

يا ريت الكل يشارك فعلا واللىقرأ الموضوع على المنتدى يخبر باقى زملائه بالكليه
وأرجو من المدير أرسال الموضوع على الأيميلات
والله الموفق

تتقدم أسرة بداية بخالص الشكر والتقدير للمهندس أشرف طلعت
الذى أبدى إستعداده للمشاركة فى نشاط بداية

وعندما أخبرناه بفكرة أسبوع الخير وأننا نريد تنزيل لوحة إعلان رد علينا بسرعة

وقال : (أنا خطى حلو وعلى إستعداد أن أكتب الإعلان) وبالفعل أعطينا له اللوحة وهو الآن سيكتبها
يا إلاهى أى روح هذه وأى تعاون هذا

نشكر ونقدر المهندس أشرف طلعت على تعاونه معنا وسنكتب فى الإعلان (بداية الرسالة)
كما إقترح المهندس أشرف سابقا أنه يود تعاون أسرة بداية ورسالة
والله المستعان

الأخوه الأعزاء

شئنا أم أبينــا نحن شركاء فى العمل الجيد شركاء فى التقصير أمام الله سبحانه وتعالى وأتمنى أن شاء الله الأ يحدث

لذلك تعاملوا مع الاسر على اساس التكامل والتعاون والتنافس لفعل لخيرات وإثبات الوجود الحقيقى المحترم.

وأحب أن أوضح أن م. أشرف طلعت من أنشط الأشخاص فى إتجاه الخير والإصلاح

فله منى كل التقدير والإحترام

اقتباس :: الأخوه الأعزاء

شئنا أم أبينــا نحن شركاء فى العمل الجيد شركاء فى التقصير أمام الله سبحانه وتعالى وأتمنى أن شاء الله الأ يحدث

لذلك تعاملوا مع الاسر على اساس التكامل والتعاون والتنافس لفعل لخيرات وإثبات الوجود الحقيقى المحترم.

بإذن الله ستتعاون جميع الأسر لعمل الخير أخى الدكتور وسيكون تنافسنا فى الخير.

اقتباس :: وأحب أن أوضح أن م. أشرف طلعت من أنشط الأشخاص فى إتجاه الخير والإصلاح

فله منى كل التقدير والإحترام

هو فعلا كذلك أخى الدكتور فالمهندس أشرف مثال يحتذى للمهندس الناجح والمتعاون مع الجميع
سواء كان كبيرا أو صغيرا فهو شخص قمه فى التواضع ودائما ما يسعى للخير دائما دون
تنويه من أحد فالاحترام الكامل له.

شكرا جدا على هذا العمل الفعال الجميل والأهم بإذن الله هو أن نرى نتيجة فعلية وليس مجرد ردود وكلمات
وهذا خلق المسلم

بالفعل تمت الموافقة من إدارة الكلية ونزل إعلان بهذه الفكرة

وأسبوع الخير سيبدأ الأحد القادم الموافق 23-3
والمكان الذى سنجمع فيه التبرعات من (ملابس أو أدوات دراسية أو مواد غذائية مثل السمن والزيت والسكر و...) سيكون رعاية الشباب عند الأستاذ جابر
ياريت الكل يشارك معانا فى أسبوع الخير

والله المستعان

ها يا جمااااااااعة
عايزين شوية همة
الاسبوع قرب يخلص
كل اللي عنده حاجة عاوز يتبرع بيها
يجبها في مكتب رعاية الشباب
وما شاء الله فيه ناس كتير شغالة
وجزاهم الله كل خير
ومنتظرين الباقي ان شاء الله

الله ماشاء الله
شكر خاص جدا ليكى على هذا العمل العظيم

[size=29]فعلا ده عمل جيد وربنا يقدركوا على فعل الخير[/size]

بارك الله فيكم

ان اشاركم وعندي استعداد لكتابه اي لوحات اول عمل اعلانات بالكمبيوتر ........

جزاكم الله كل خير

بس انا عرفت متاخر يا ريت لو ممكن تمدوا الفترة اللى تستلموا فيها الحاجات او تخلوا الموضوع ده على طول و يكون مسؤل عنه واحد من الاسرة

بارك الله فيكم على هذا الحماس الكبير

وأنا شخصياً هنا أود التركيز على النقطة الأخيرة وهى المشاركة في تجميل الكلية والأهتمام بها

فبالفعل بدأنا هذا المشروع ونحتاج إلى المساعدة من كل الأخوة الزملاء وسيكون يوم السبت بعد القادم الموافق 05.04.2008 إن شاء الله هو اليوم الذي ننتظرة لنَلِبس كليتنا ثوباً جديداً ونظيفاً

نرجوا من كل من لديه الوقت ومهتم بهذا الشأن لقاء الأستاذ جابر أو الأستاذ ياسر مسؤولا رعاية الشباب بالكلية وهما لديهم تفاصيل هذا الموضوع.

و شكراً للجميع مقدماً

د/ إيهاب خلف

حضرتك يا دكتور تقصد بالثوب الجيد لإفتتاح المعامل التخيلية ؟؟؟؟؟

Terminator كتب:: جزاكم الله كل خير

بس انا عرفت متاخر يا ريت لو ممكن تمدوا الفترة اللى تستلموا فيها الحاجات او تخلوا الموضوع ده على طول و يكون مسؤل عنه واحد من الاسرة

احنا فعلا بنفكر في هذا الأمر خصوصا بعد تجاوب الناس مع هذه الفكرة .

د/ إيهاب خلف كتب:: بارك الله فيكم على هذا الحماس الكبير

وأنا شخصياً هنا أود التركيز على النقطة الأخيرة وهى المشاركة في تجميل الكلية والأهتمام بها

فبالفعل بدأنا هذا المشروع ونحتاج إلى المساعدة من كل الأخوة الزملاء وسيكون يوم السبت بعد القادم الموافق 05.04.2008 إن شاء الله هو اليوم الذي ننتظرة لنَلِبس كليتنا ثوباً جديداً ونظيفاً

نرجوا من كل من لديه الوقت ومهتم بهذا الشأن لقاء الأستاذ جابر أو الأستاذ ياسر مسؤولا رعاية الشباب بالكلية وهما لديهم تفاصيل هذا الموضوع.

و شكراً للجميع مقدماً

د/ إيهاب خلف

المفروض كان يوم تجميل الكلية يوم السبت الموافق 29/3
بس طالما فيه يوم جوالة في الكلية
فالافضل ان يكون كله في نفس اليوم
وان شاء الله يكون يوم ناجح ونقدر نعمل فيه حاجة كويسة

اقتباس :: احنا فعلا بنفكر في هذا الأمر خصوصا بعد تجاوب الناس مع هذه الفكرة .

كنت لسة حقترح كده
لان الناس لسة مش كلها عرفت
وناس كتير بتنسي تجيب التبرعات معاها
بس المشكلة ان عدد الاكياس في الرعاية كتر
ولازم ننقل الشنط دي علي الاقل
لمكان اوسع او نوديهم الجمعيات ونبدأ نجمع تاني

» مشروع أسبوع الخير مد ايدك وخليك من اهل الخير
» تفعيل مشروع التدريس للايتام
» رجل بحريني يطلق زوجته قبل أسبوع من حفل الزفاف
» مد إجازة نصف العام للمدارس والجامعات لمدة أسبوع آخر
» مآسي أسبوع شباب الجامعات التاسع بالمنصورة