خماسيات (خواطر بالعامية )

(1)

يا نجمة عالية وفارده جوا قلبي قلوع
سايبة البراح ده وساكنة قلبي أنا الموجوع
سارحة بمراكبك جوا دمي من شمال لجنوب
ايوه الكلام ده عليكي ياغاية المطلوب
متبصليش بخجل وتغيري الموضوع
_____________________
(2)

عندليب واقف علي غصن شجراية
قولتله لو تسمح بس غنواية
نوح وقال قلبي عليك ياجدع
قلبك حزين والحزن بكفاية
ياقلة البخت الي تطلع شوك في ورداية
_____________________
(3)

ياقلبي يالي ضحتك كانت صباح
وحضنك أنت كان بوسع الكون براح
ايه الي خلي الضحكة في عيونك حزينة
ايه الي حول حضن قلبك ده جراح
قالي الحبايب لما فارقوا كل شئ في الدنيا دي كان حلو راح
_________________________________
(4)

لما شفتك قلبي دق قلت يمكن ده طبيعي
مرة تانية قلبي رق قلت ده الموضوع حقيقي
مرة تالته قلبي طار من فرحته قلت انتي جنته
مرة رابعة ومرة خامسة سكتة صبحت طريقي
مرة سادسة ومرة سابعة يوم فرحنا كان حقيقي يوم تاريخي
_________________________________
(5)

ياقلبي ليه دايما حزين
ودقتك كما صوت آنين
هو أنت عاشق دوبك شوق الحنين
ولا مهاجر صاحبتك غربة سنين
قالي أنت شايف ايه في دنيتكم يسر الناظرين
_________________________
(6)

بحبك قولتها وبقولها وهقولها لحد يوم الدين
بحبك حب مش عادي مالوش منطق مالوش قوانين
بحبك بس لو تسمح ولو تسمع أاقولك من الكلام دوواين
بحبك ليه تحيرني ولو عاوز تغيرني وماتميلشي لناس تانين
قالي المحبة مش بكيف الناس والقلب عارف هو يعشق مين
________________________________
(7)

الضحكة بتطلع موجوعة
والآه لما بقولها بتصرخ أنا مخنوقة
والناس فاكرينك مبسوطة
جوا القلب تلال أحزان
واما أبص في وش الناس الضحكة تبان
واما يقولوا ازيك أقول كله تمام
___________________
(8)

ياطير يالي حر وعايش علي راحتك
لا حد يوم كبلك ولا قل يوم راحتك
عايش وسايب كل شئ تدبيره علي ربك
صبحك مساك ضاحك سعيد والغنوة من قلبك
علمني أصبر عشان بالصبر وحده أنت يابختك
_________________________

» خواطر مبعثرة
» خواطر!!!
» خواطر لم تكتمل
» خواطر رمضانية!
» خواطر في مهب الريح