مصراصطمبة محفوظة

مصر قانون امبريكال
*****
مصر اصطمبة محفوظة
واللي يعاني فيها راجل مجنون
ماهي اصل العيشة فيها
بقانون امبريكال
والمعادلة الاصلية فيها الف مجهول
والقانون مش محتاج نصاحة
وقعدات شعر وفصاحة
ولا حتي لمهندس او
حتي دكتور جراحة
وأم الدنيا بتعلمنا
بدل المرة مرتين
في الثانية
علمتنا من واحنا صغيرين
ازاي نطبخ الانتخابات
ازاي امسك منصب انا معرفهوش
ازاي استغل الامتيازات
وبدل النهب قال ايه
هكسب معرفة بنات ؟!
والنائب بقي هيبقي
فـِــــــــــت
وهيعلق بدل الواحدة ميـــــــــت بت
وهيقولوا انت معانا السنة الجاية
كمان بس لو ....
سكت !!!
علمتنا ان كل حاجة بالمظاهر
وميت طظ في اللي جوة
اهم حاجة في اللي ظاهر
يعني مثلا يركبلنا مكيفات
ويطفوا المراوح
ماهو اللي جاي علي قد اللي رايح
والتكيفات اساسا مبتشتغلشي
كده في النهاية انا رابح
والجو حر خلقة
والمعيد كيله طافــح
مين بقي هيقعد ساعتين
ومين بقي اللي يكافــح
علمتنا ان كل حاجة تمشي بالورق
يعني نعمل مليون استبيان
وكله يتحرق
ما العيشة حلوه مسلية
لو مش عاجبك اتفلق
علمتنا اننا منكملش شي للنهاية
مهما تعبنا علي شانه في البدايه
وحتي كلامي مش هكمله
يا رااااااااااااااجل

كفـــــــــــــــــــــــــــــــــــاية

اقتباس :: مهما تعبنا علي شانه في البدايه
وحتي كلامي مش هكمله
يا رااااااااااااااجل

كفـــــــــــــــــــــــــــــــــــاية

وليه كفاية كمل يا بشمهندس ما شاء الله موهبتك رائعة وتستحق الإشادة وننتظر منك المزيد

وأكيد ربنا لازم يصلح الحال ده حتى فى الأفلام العربى فى النهاية البطل بيبوس البطلة

ويتجوزوا وبتبقى الحياة تمام وميت فل.

شكرا ليك مرة تانية ولا تعجب كثيرا لهذا الوطن حتى لا تفقد أعصابك وإعلم تماما

إن كلام هشام الجخ مظبوط لما قال وطن وغرقان فى النطاعة وكل شىء ريحتة نطاعة.

والله الموفق

رب فتاتا اعجبتنى فقلت لها هاتى صورتين ووصل وصورة بطاقة

تسلم ايدك يابشمهندس الحوارتجى وعلى رأيك
ياراااااااااجل كفايه

» حقوق اللقب محفوظة