حنكش بعد امتحان الاستركشر

بص انا هستقيل
وهقدم علي تجارة
يا راجل انا كَفرت
الاقيش معاك سجارة
انا مش هعدي هنا
إلا لما ياخد هوه يإما بعثة يا إعارة
يا راجل انا بقالي اربع تيام
لاعارف اكل ولا انام
والله بشوف استركشر في الاحلام
والله بقالي اسبوع سايب كل المواد
وأخدتها تحدي
وقبل الامتحان قولت انا خلاص هعدي
خلصت كل مسائل قيصر والدخاخني
وقولت مهما عمل مش هيقف حتي جمبي
اخدت الورقة مش عارف مسكها بالعدلة
ولا بالمقلوب
اشوف truss مش استيل ولا طوب
والله بقيله دايرة من فوق ويبقي
انسان آلي بريمود
يا راجل قاعد نص ساعة بحسب ريأكشنات
وهوه طارشها من فوق اتنينات
والله كونت بغلط وانا بحسب المسافات
اتخنقت منها فسبتها
قومت دخلت علي اللي تحتها
لقيت كمرة علي شكل اسطول
والله معرفتش ارسمها بالعرض ولا بالطول
انا مكنتش عارف نفسي انا فايق ولا مسطول
قال في ملحوظة في الامتحان قولت قول قول
يمكن الامتحان دا مش بتاعنا
وبتاع المطبعة مخبول
قالنا نقطة c في نص truss
قولت يا راجل هوه دا كلام معقول
يا راجل انا كتر ما لطشت معايا
بقيت اقول خلاص كفاية

ولا الفاهم ولا الغيى بيعدى امال ايه؟؟؟
جامد يا بوووووس