أمُومه

يابني يا غالي عليا
ياحبيب قلبي ويا نورهم عنيا
لو بايدي كنت اوهبلك حياتي
كنت اكون لك حضن دافي
وارمي رمشي عليك
يكون رمشي غطاك
وسريرك عنيا
كنت اشيل عنك همومك
وابعد الحزن الي ساكن فوق جفونك
إنما
في الف ميل بيني وبينك
وانت في الغربة وحيد
لو تقول الأه بترحل عن شفايفك انما
بتسكن قلبي انا
وانت في الغربة وحيد
مين يونس وحدتك
لو في يوم زادت همومك
غصب عنك من عينيك نزلت ياغالي دمعتك
مين بيمسح دمعتك
لوشكيت همك هتشكي لمين
ومين غيري يحس بشكوتك
انت غايب انما
طيفك تملي في قلبي ساكن
اخدك في حضني واقول خلاص ياضنايا هانت
كلها ايام وترجع تاني تملا دنيتي فرح وهنا

0 (عندما خلق الله قلب الام
اكتمل الكون )

الله...

جميل بنت مصر..

ربننا يخليلنا امهاتنا يارب

كلمات لا يصفها الا من تمكن من كتابتها

لاني نستحيل لوصل للمستوي الادبي ده

شكراً جزيلاً لكم جميعاً علي المرور الكريم
واتمني ان تنال كتاباتي دائماً اعجابكم