اقتراحاتكم للاصلاح وجعل المنتدى في المسار الهندسي الصحيج

بسم الله
كلنا عارفين الكلام في الموضوع ده كان كتير ومكنش فيه اي فايدة ولا حاجه او تغير حصل على ارض الواقع
وياريت نشوف اقتراحات من الناس عشان نوصل لافضل حل لموضوع ضعف الاقبال ع الاقسام الهندسية والاقبال على الاقسام الترفيهية
وانا عن نفسي بقترح اقتراحين
ايقاف الاقسام الترفيهيه وفتحها يوم واحد في الاسبوع فقط ومن الافضل يوم الجمعه
ثانيا لكل عضو عدد محدد من اضافة المواضيع في الشهر وان تم الزيادة يتم تنبيهه وفي حالة عدم الانصات يتم ايقاف مؤقت وفي حالة الاستمرار يتم الايقاف النهائي

ياريت نهتم شوية واللى شايف ان الالتزام والاحترام يدايقه ممكن يفارقنا بسلام لانه المنتدى هندسي في المقام الاول وياريت مانديش فرصة لتوافه وصعاليك المجتمع انه يستهزء بمنتدى يحمل اسم هندسة اسوان

السلام عليكم ورحمة الله وبركاته
كنت احب فقط ان اوضح امراً وهو انه ليست كل الاقسام غير الهندسيه تعتبر اقسام ترفيهيه
فهناك قسم اسلاميات وقسم الطب والعلاج وقسم كلام في السياسه وقسم العلوم وقسم قلم المهندسين والادب والشعرواقسام اخري كثبرة تقدم المعلومه المفيده والفكرة الجيده ولكن ان كنا نريد ان نتحدث عن الاقسام الترفيهيه فيجب ان نحددها وهي علي ما اعتقد قسم اسمع نكت واضحك و قسم علي المصطبه وانا اعتقد ان اقتراح البشمهندس جيد ولكن اري ان يكون فتح القسم يومين في الاسبوع وليس يوم واحد حتي لانضيق الخناق علي الاعضاء واتمني ان يكون هناك رقابه شديده علي هذه الاقسام
والله الموفق والمستعان

اتفق مع بنت مصر في رايها واحب ان اقول ان الاقسام الغير هندسية الاخرى مفيدة ايضا والمهندس مش عايش في جزيرة لوحده مع كتبه وادواته الهندسية لازم يعرف الدنيا ماشية ازاى من حواليه ولا ايه؟!!

معا كامل أحترامى لرأيك يا مصطفى
بس أحنا كدا بنهرب من المشكله مش بنحلها يعنى ف الأول لما قسم الحب كان شغال على بقية الأقسام رحنا شلنا قسم الحب بدل ما نفكر أيه العيوب اللى بتخلى الناس متشركش ف الأقسام التانيه أو أيه الميزه اللى ف قسم الحب مش ف بقية الأقسام.
وأدينا أهو بنكرر نفس الغلطه وبدل ما ندور ع العيوب بندور على طرق تانيه للحل مهوا مش معقول كل قسم حيشتغل ف المنتدى حنحذفه .
وبعدين من اهداف المنتدى التواصل بين الأعضاء ودا مش معقول حيحصل ف موضوع هندسى
و كل ما ضيقنا الخناق ع الناس بنلغى التواصل بين الأعضاء.
وكمان لو شفتم الموضوع بتاع البشمهندسه edbs كل الناس عايزه المنتدى ترفيهى هندسى مش هندسى بس .
وبعدين من وجهة نظرى المفروض اننا دلوقتى نحط قوانين للأقسام الترفهيه (عشان المواضيع التافه اللى بتنزل) وكمان نبحث تطوير الأقسام الهندسيه .

أسف للأطاله يا جودز .

السلام عليكم

الحقيقة كلام باشمهندس احمد خالد صح
اصلا مفيش حاجة اسمها نلغى اقسام علشان نمنع الناس تدخلها
طب هما برضوا مش هيدخلوا الاقسام الهندسية وعناد بعناد
لكن رايى زى راى باشمهندس حسام كل واحد عارف مصلحته بقى
لكن بالنسبة للمنتدى ........اى موضوع تافه ومالوش لازمة اكيد يتكانسل
وياجماعة والله احنا مانقصدش ان اى قسم تانى غير الهندسة يبقى هايف
لا والله الشباب هنا بتعمل مجهود جميل اووى وكلنا بنحب المواضيع الترفيهية
وانا دايما بقول انى اول واحد بدخلها

بالتوفيق ان شاء الله

بنت مصر كتب:: وانا اعتقد ان اقتراح البشمهندس جيد ولكن اري ان يكون فتح القسم يومين في الاسبوع وليس يوم واحد حتي لانضيق الخناق علي الاعضاء واتمني ان يكون هناك رقابه شديده علي هذه الاقسام
والله الموفق والمستعان

صعب اووى نقفل الاقسام التانية علشان الناس تدخل الاقسام الهندسية

لانه ببساطة مش هيدخلوا اصلا ولو دخلوا هيبقوا مجبورين ومش هيضيفوا
الحال يمشى زى ماهو وكل الاحترام كل الاحترام كل الاحترام للاقسام التانية
و مجهودهم واضح فى المنتدى من مشرفين واعضاء.......وان شاء الله كلنا بس نهتم بالمواضيع الكويسة اللى ممكن تفيد الناس وتضحكهم وتثقفهم وتديهم معلومة سواء دينية علمية هندسية رياضية سياسية شعر ثقافة مقال صورة نكتة و و .... وان شاء الله بالتوفيق

ماهو ياجماعه احنا مش هنقفله زي قسم الحب
هو هيتحدد ايام معينه للاقسام الترفيهية واللى اشارت اليها بنت مصر
حضرتك بلدنا ماينفعش معاها القوانين محدش بيحترم القانون ولا حد بينفذه وده يعتبر عبء على المشرفين وبتجيب مشاكل كتيره وعلى ماعتقد ان فتح الخميس والجمعه مثلا مش هيخلى الناس يجيلها اكتئاب انا شايف حتى ان الحوار ده هيحجم المشتركين اصحاب المشاركات التافهه الغير مفيدة

ENG_GODZELA كتب:: ماهو ياجماعه احنا مش هنقفله زي قسم الحب
هو هيتحدد ايام معينه للاقسام الترفيهية واللى اشارت اليها بنت مصر
حضرتك بلدنا ماينفعش معاها القوانين محدش بيحترم القانون ولا حد بينفذه وده يعتبر عبء على المشرفين وبتجيب مشاكل كتيره وعلى ماعتقد ان فتح الخميس والجمعه مثلا مش هيخلى الناس يجيلها اكتئاب انا شايف حتى ان الحوار ده هيحجم المشتركين اصحاب المشاركات التافهه الغير مفيدة

يا مصطفى من الأفضل أننا نسيب المنتدى زى ما هوا معا وضع قوانين للأقسام ووتعيين مشرفيين يكونو متابعين المنتدى كووووويس.

وكمان نشوف أيه عيوب الأقسام الهندسيه اللى ف المنتدى أنما أننا نحجم الناس والمشاركات مينفعش .
ووبعدين يا عم لازم المشرفين هيتعبوا أومال أترشحو للأشراف ليه ؟؟
والصراحه فيه مشرفين كمان ملهمش أى ظهور وفيه أقسام ملهاش مشرفين لازم نشوف الأمور دى ونظبطها .

فيه قوانين قبل كده اتحط زي تحديد عدد المشاركات واخدت يومين وعادت ريما لعادتها القديمة
صراحة لو فضل المنتدى على فرد واحد بيستفيد ويفيد منه احسن مايكون فيه مليون عضو تلات ارباع مشاركتهم عبارة عن امور غير مفيده ومش عاوز نتكلم عن التجاوزات اللى حصلت من اعضاء داخلين المنتدى عشان يهرجوا ويلعبوا وبس كأنهم داخلين منتدي spacetoon

ENG_GODZELA كتب:: فيه قوانين قبل كده اتحط زي تحديد عدد المشاركات واخدت يومين وعادت ريما لعادتها القديمة

دا كدا عيب فينا أحنا المشرفين عشان مطبقناش القوانين

وكمان يا جودز من سعت ما الدراسه أبتدت وأنا شايف المنتدى ماشى كويس أهو اللهم صلى ع النبى لا مشاكل ولا مواضيع تافهه ولا أى حاجه .
فرصه بقى أحنا المشرفين كل واحد يدور ف قسم ويلغى أى موضوع تافهه عنده ف القسم .

بسم الله الرحمن الرحيم

لو تسمحولي اشارك برايي في هذا الموضوع
انا بصراحة بضم صوتي لصوت احمد خالد( وضع قوانين جديدة افضل الحلول)
مفيش شك ان الفترة الاخيرة المنتدي شكله تغير تماما لاسباب كثيرة مش هنخوض فيها
لكن من كل اللي حصل واللي بيحصل اقدر اقول ان كل عضو في المنتدي باين هو عاوز ايه او اتجهاته رايحه فين يعني من الاخر كل واحد مكشوف للكل
وان شاء الله ياباشمهندس مصطفي المنتدي يعود لعهوده القديمة ويفيد الاف مش واحد بس
اسف علي الاطاله .....والله ولي التوفيق

اوك ياجماعه ادينا بنتناقش ممكن نشوف القوانين المطروحة والمقترحه للتنسيق المسار بس ارجو تكون واقعية

على فكره أنا ملاحظ ان المواضيع الهندسيه اللى ليها علاقه بمناهجنا الدراسيه فيها ردود كويس خالص .
ودا بيوضح عيب من عيوب المواضيع الهندسيه ف منتدانا أن أغلب المواضيع بنكون مش عارفين بتاعت أيه ولا أيه علاقتها بدراستنا.

طب ايه رايكم نفتح حوارات ومواضيع خفيفة ياعنى منها حكاوي ومنها معلومات ياعنى نحكي في حوارات الشغل بره مثلا كده ياعنى ياريت اللى عنده افكار زي كده ياعنى يقول

» الآن يمكنك متابعة آخر مواضيع المنتدى عن طريق قائمته البريدية وجروب المنتدى على الفيس بوك
» تهنىء إدارة المنتدى أسرة المنتدى والكلية وجميع المسلمين والعرب بجميع الأصقاع بمناسبة عيد الأضحى المبارك
» تجديدات فى المنتدى"كل جديد فى تقنيات المنتدى سيكون هنا".
» الحس الهندسي ,,, !!
» شرح للظل والظلال في الرسم الهندسي