إيه رأيكم لو نعمل مجلة للمنتدى وكل اللى بيحب الكتابة أو جواه مهنة صحفى يمارس هوايته فيها "ادخل وقول رأيك".

أتمنى أن تكونوا بخير أجمعين

طرأتلى فكرة وكمان شوفتها على كام منتدى كده بس ده توارد خواطر المهم

الفكرة بتقول إننا نعمل مجلة للمنتدى ويبقى فيها رئيس تحرير ومحررين

ويبقى فيها منسقين للمواضيع ومجمعين ومصممين للمجلة والغلاف وكل حاجه فى

المجلة الواقعية وكل ده من خلال المنتدى وهتبقى شهريه نحضرلها طوال الشهر وتنزل أول

الشهر على هيئة موضوع كبير به جميع التوبيكات والمواضيع اللى كتبها الأعضاء

بأقلامهم أو جمعوها وهيبقى فيها كل المجالات مش هندسى وبس

وكمان هنعمل رتب للى هيشترك معانا كمحرر وهنعمل قسم مخصوص

للمجلة عشان نتباحث أمور المجلة فيها وهتنزل على الصفحة الرئيسية

وهتتبعت لجميع الإيميلات وحاجات كتير هنعملها إن شاء الله لو وجدنا

مشتركين حابين الفكرة وعاوزين يشتغلوا كصحفين ويزاولوا المهنة الجميلة دى

وكمان رئيس التحرير هيبقى بترشيح منكم ونجددله بعد كده لو بقى كويس

المهم فى إنتظار آرائكم وإقتراحاتكم وطلبات أشتراكم معانا وأهلا وسهلا

بكل اللى عاوزين يشتركوا معانا من أى حتة فى الدنيا

والله الموفق

فكره جميله جدا
ووسيله لاظهار الموضوعات المتميزه علي الساحه
ويسعدني ان اشترك معكم باي دور استطيع القيام به
اما بالنسبه لرئاسة التحرير
فانا اري ان افضل من يقوم بها هو البشمهندس الحبار
والله الموفق والمستعان

فعلا يا حبار دى فكره انا كنت بفكر فيها
من كام يوم لانى شوفتها فى منتديات تانى وعجبتنى جدا
وان شاء الله انا معاكم فى اللى هاقدر اعمله
وربنا يوفقنا جميعا

الفكرة رااااائعه

وانا ان شاء الله معاكم باي دور اقدر اعمله

والله الموفق

فكره جامده يابو الحبابير وانا حمسك قسم الوفيات

أنا معاك يا كبير
وأتمنى أنه يكون فيها تواصل بين الأعضاء
وأتمنى أن المواضيع اللى فيها تكون مكتوبه وأول مره تعرض من خلال المجله
ويا سلام كمان لو ناخد موضوع مميز من كل قسم ونحطه ف المجله
بس ياريت شوية تفاصيل أكتر يعنى مثلا الأقسام بتاعت المجله
وأتمنى من كل قلبى أن الفكره دى تنفذ

بالطبع وبدون أي نقاش هي فكرة راائعة جدااً
وحتكون سبب لجذب أكبر عدد من الاعضــاء ان شاء الله

بس أنا بقترح أن المجلة تكون من إبداعتنا مش مواضيع منقولة يعني اللي بيكتب شعر واللي بيكتب قصة او مقال او اي موضوع يكون من ابداعه هو حتي لو حيكتب عن خبر معين هو يقرأ الخبر ويقرأ كل حاجة عنه لكن يصيغ المقال بطريقته هو لان الحاجة لما تكون من ابداعنا حتكون أفضل وأجمل و حيبقي ليها كيان تاني .

وان شــاء الله أنا معاكم
ويارب الفكرة تتنفذ بالفعل

رائعه افكارك يا حبار ولله ربنا يكرمك
ممكن تسمحلى اشترك معاكوا
وانا ان شاء الله سادعوا اصدقائى الغير مشتركين وليهم هوايه الكتابه
واخليهم يشتركو معانا ده مفيش حد بيراعى المواهب دى الايام دى

فكرة جميلة فعلا
اهم حاجة _زى ما قال الاخوة الاعضاء ـ نبعد عن المواضيع المنقولة و تكون المواضيع من ابداعات الاعضاء

انا بقترح انه ممكن نعمل ابواب ثابتة فى المجلة كل شهر ويبقى عضو او اكتر مسئول عن تحرير الابواب دى

ويكون فى ناس برضه مسئوله عن التجميع والتصميم ....يعنى يبقى قريق عمل

ان شاء الله معاكم
ويارب الفكرة تخرج للنور

فكرة ممتازة يا مدير

و ان شاء الله هشارك معاكوا بأى حاجة

و أنا شايف ان الحبار انسب واحد لرئاسة التحرير

و ربنا يقدم اللى فيه الخير ان شاء الله

ما شاء الله عدد لا بأس بيه وبداية مبشرة ورائعه بإذن الله ولذلك تم عمل قسم خاص للمجلة

ومن خلاله يتم التجهيز للأعداد الشهرية وهنقسم المقالات وكل حاجه على الناس واللى ردوا

كلهم دلوقتى هيقدروا يخشوا على القسم ده وكل اللى عاوز يشترك يا بعتلى أو يشترك من خلال

المجموعات وأنا أفعله أو رسالة أو أى حاجه فى أى حاجه ولسه الباب مفتوح للجميع مع العلم

القسم خاص باللى فى المجلة وبس عشان سرية العدد اللى إن شاء الله هيصدر أول تمانية.

والله الموفق

سلام عليكم
الله ينور ياجدعان والله انت قربت من اللى فكره اللى قولتلك عليها بس عشان مشغول شوية مانزلتهاش بس هقولها هنا وخلاص بدل مافتح بيها موضوع جديد انت عرضت الفكره بصورة حلوه خالص وخد عندك اللى كنت بفكر فيه انا كنت بفكر اننا نعمل مجلة الكترونية باسم المنتدى ياعنى تتعمل على اسطوانات وننزلها في المغربي وتكلفتها دي احنا هنتفاهم فيها بعدين مع ابراهيم المهم ان المجله دي تكون على اسطوانه فيها احدث البرامج واحدث الكتب عن كل قسم وبردوا نحط فيها موضوعات الى من ابداع الاعضاء ودي اولا هتنتشر بين الطلبه بسرعه وثانيا دعاية كويسه للمنتدى لاننا محتاجين بردوا ننشر المنتدى ونجذب الناس ليه اكتر وخصوصا الدفعات الجديدة ورابعا نثبت للجميع ان انتاج المجله الالكترونية هو ثمرة عمل الموجودين فيه الفكره دي مش فكرتى بالظبط بس ده كان اقتراخ من المهندس اشرف طلعت قبل كده هو والمهندس هانى صابر اننا نعمل اسطوانات عليها برامج ففكرت اننا نعملها مجله فيها اكتر من حاجه تساعد من الناحية الهندسية وفي نفس الوقت توفر على الناس التحميل الممل وكمان نعرض فيها ابداعات الاعضاء من قلم المهندسين عشان بردوا تشجع الناس تشارك وتطلع اللى عندها معانا

فكره رائعه يابشمهندس
واضيف لافكارك ان دفعه اعدادى بتتعب اول السنه خالص
لانهم لسا جداد وانا تعبت بالفعل فى كل حاجه
ياريت تكون فيها كمان شويه ارشادات للطلبه
وشكرا على الفكره

الى :للحبار
انا كنت ببحث عن مجلات فى النت ووجد
هذا المقال عن تركيب مجله بجانب المنتدى
بس للاسف انا مش فاهم اى حاجه فيه الانه بلغه البرمجه
فقلت انى اعرضه عليك يمكن تستفيد بفرق الخبرات
http://www.swalif.net/softs/swalif59/softs130577/

ENG_GODZELA كتب:: سلام عليكم
الله ينور ياجدعان والله انت قربت من اللى فكره اللى قولتلك عليها بس عشان مشغول شوية مانزلتهاش بس هقولها هنا وخلاص بدل مافتح بيها موضوع جديد انت عرضت الفكره بصورة حلوه خالص وخد عندك اللى كنت بفكر فيه انا كنت بفكر اننا نعمل مجلة الكترونية باسم المنتدى ياعنى تتعمل على اسطوانات وننزلها في المغربي وتكلفتها دي احنا هنتفاهم فيها بعدين مع ابراهيم المهم ان المجله دي تكون على اسطوانه فيها احدث البرامج واحدث الكتب عن كل قسم وبردوا نحط فيها موضوعات الى من ابداع الاعضاء ودي اولا هتنتشر بين الطلبه بسرعه وثانيا دعاية كويسه للمنتدى لاننا محتاجين بردوا ننشر المنتدى ونجذب الناس ليه اكتر وخصوصا الدفعات الجديدة ورابعا نثبت للجميع ان انتاج المجله الالكترونية هو ثمرة عمل الموجودين فيه الفكره دي مش فكرتى بالظبط بس ده كان اقتراخ من المهندس اشرف طلعت قبل كده هو والمهندس هانى صابر اننا نعمل اسطوانات عليها برامج ففكرت اننا نعملها مجله فيها اكتر من حاجه تساعد من الناحية الهندسية وفي نفس الوقت توفر على الناس التحميل الممل وكمان نعرض فيها ابداعات الاعضاء من قلم المهندسين عشان بردوا تشجع الناس تشارك وتطلع اللى عندها معانا

هي فكره ممتازه ,,, لكن يتطلبلها متطوعين ,, بشكل خاص !!

يعني عشان تبقي الأسطوانه جذابه ,,, لازم تتعمل بنظام فلاش وفوتوشوب عالي

يعني تبقي اسطوانع بورتابل ,,, ولما تدخل عليها يكون فيها زي مجله أنت بتتصفحها وبجانب التصفح خلفيه صوتيه لكل قسم منها

ومن الأخر عايزه شغل ,,, شغل عالي ,,, عشان متبقاش مجرد أسطوانه عاديه فيها فولدرات لكل قسم وكده

وحاجه زي كده ,,, أنا مرحب بيها ,,لطالما ,, أننا نملك الموارد المناسبه ليها

عموما ,,, ومما لاشك فيه ,,, فكره المجله فكره أكثر من رائعه ,, وقفزه عملاقه ,,, محتاجه لكتير وكتير من الأفكار والجهد

وأنا معاكم باللي ربنا يقدرني عليه ,,, واللي فيه الخير يقدمه ربنا

والله الموفق

والله يا بشمهندسين إحنا هنبتدى بداية كده على قدنا ولو كانت البداية ناجحة والناس أبدت

إستحسان للعدد وللفكرة ممكن نعممها بعد كده ونضيف كل الإضافات اللى ذكرتوها بس زى ما

قولت دى بداية وإن شاء الله تكون بداية موفقه ومنسبقش الأحداث ومنصعبش الأمور على

نفسنا عشان الحكاية متتعقدش وإن شاء الله خيرا كثيرا.

ويا ريت كل اللى ردوا فى الموضوع ده يردوا فى الموضوع اللى فى ورشة على الرابط ده

موضوع خاص بتحديد مسؤليات أعضاء المجلة ومناقشة العدد القادم "شهر أغسطس 2009" بإذن الله.

عشان نحدد الأولويات ودور كل واحد فينا ونبتدى نشتغل ونبحث عشان العدد الأول يبقى

فى أبهى صورة وعلى فكرة الحكاية مش صعبة أووى العملية سهله بس أهم حاجه نشتغل

كمجموعة مع بعضنا

والله الموفق

إيه محدش عاوز يشترك ولا إيه ؟؟؟

يا ريت يبقى فيه مشتركين كمان فى المجلة ولا أنتوا مش نفسكم تكتبوا او تعلموا حاجة ؟!!

على العموم فى إنتظار مشاركين جدد ويا ريت محررين المجلة يدعوا أصحابهم أو اللى يشوفوا

ناس ممكن تشترك معانا

وبالتوفيق للجميع وفى إنتظاركم

والله الموفق

انا معاكو ادونى اكتب فى التكنولوجيا

فكرة رائعة جدا يا بشمهندس
ان شاء الله أنا معاكو فى الموضوع ده بأى حاجة ممكن أعملها

shimz كتب:: فكرة رائعة جدا يا بشمهندس
ان شاء الله أنا معاكو فى الموضوع ده بأى حاجة ممكن أعملها

أهلا وسهلا بيكى يا بشمهندسه

وتقدرى دلوقتى تدخلى على قسم الورشة بتاع المجلة وتاخدى فكرة عن كل حاجة وأكيد هيبقالك دور معانا

فى المجلة إن شاء الله.

والله الموفق

موضوع حلو كتييييييييييييييير
وفكرة متميزة جدااااااا

واحب انى أشارك معاااكم _ بس اعذرونى الشهر دة

الدنيا صعبة معايا جدااا

ومش حقدر أفيدكم كتيييييييييييير

ربنا معاكم

YeHi@$MmZ كتب:: موضوع حلو كتييييييييييييييير
وفكرة متميزة جدااااااا

واحب انى أشارك معاااكم _ بس اعذرونى الشهر دة

الدنيا صعبة معايا جدااا

ومش حقدر أفيدكم كتيييييييييييير

ربنا معاكم

فى إنتظارك العدد القادم ان شاء الله

والله الموفق

موضوع هادف وجميل
أتمنى تقبلوبى معاكم ويارب اقدر اضيفلكم جديد
واكيد ده شرف ليا لما أشارك مع الكاست المتميز ده

miss feeling كتب:: موضوع هادف وجميل
أتمنى تقبلوبى معاكم ويارب اقدر اضيفلكم جديد
واكيد ده شرف ليا لما أشارك مع الكاست المتميز ده

أهلا وسهلا بيكى يا بشمهندسه وشكرا لكلامك الجميل

طبعا تقدرى تشاركى معانا وإن شاء الله تكونى عضو مميز معانا كالعادة

وتقدر تدخلى دلوقتى قسم ورشة المجلة وتتصفحى اللى وصلناله بفضل الله وتشوفى أنت هتقدرى تساهمى بإيه

والله الموفق

ايه يا حبار انت نستنى ولا ايه
انا معاكم يا عم باللى هاقدر عليه ان شاء الله
معلش انا رديت متأخر لانى كنت مشغول اليومين اللى فاتوا

» اقطع دراعي من لغاليغه لو ماعجبكمش....ادخل وقول رأيك.....
» رأيكم يهمنى (انفع صحفى)
» عيوب مهنة المهندس المدنى "قبل ما يعقل يا جدعان".
» سسلسسلة مجرد راي
» الإستايل الجديد للمنتدى "يرجى الدخول من جميع الأعضاء".