بسم الله الرحمن الرحيم
يا اخوانا فى شوية نقط عاوز اقولها
اولا ليه اتعملت المظاهرة هل عشان نمشى فى الكلية ونقول شوية هتافات وكل واحد يروح بيته كده زى ما جه وخلاص لأ طبعا المظاهرة دى اتعملت عشان عدة اسباب
1- نشر قضية فلسطين.
لما تروح الكلية وتكلم الناس عن اللى شوفته امبارح على التليفزيون والناس اللى بتموت بالعشرات فى غزة ويروح يقولك طب واحنا مالنا او شفت الزمالك عمل ايه امبارح تبقى مش حاجة تغيظ
يمكن الناس معذورة عشان مغتربين ومبيتفرجوش على تليفزيون ومش حاسين زى اللى شاف واتأثر بالمناظر اللى شافها يبقى كان لازم حاجة تحسس الناس باللى بيحصل
2- واجبك نحو القضية.
مادام الناس عرفت ايه اللى بيحصل يبقى لازم تعرف ايه واجب كل واحد تجاه المسلمين اللى بيموتوا دول يبقى لازم يكون فى تحرك ايجابى واعتقد الكلمات اللى اتقالت فى المظاهرة وفت الحتة دى
اعلم ان يوم القيامة ان الله -سبحانه وتعالى- حيسئلك ايه عملت للمسلمين اللى فى غزة ولازم يكون فى اجابة للسؤال ده ان شاء الله
وقدامك 3 حاجات ممكن تعملهم
1-التبرع
نقابة الاطباء هى الوحيدة على ما اظن المكان الوحيد و الاضمن فى اسوان انك تتبرع هناك ولو اتبرعت جمعت من اصحابك كل واحد جنيه حتلم حتى فلوس علبة دواء او اكل تروح غزة (فوق محل سيجال على الكورنيش)
2- الدعاء
فى حديث عن رسول الله صلى الله عليه وسلم انه فى غزوة من الغزوات يقول الرسول فى ما معناه ان هناك اناسا فى المدينة قد حبسهم العذر عن الخروج معكم -اى مع المجاهدين - ولكن دعاؤهم اشد على الاعداء من ضرب رماحكم فى رقاب الاعداء.
اى لا تستهينوا بالدعاء فكل واحد المفروض انه بيصلى خمس صلوات فى اليوم الواحد
فاذا دعى فى صلاة دعوة واحدة اعتقد انه سيكون له اثر فى الدنيا لاخوانه فى غزة وفى الاخرة لنفسه.
3- المقاطعة
مينفعش واحد عاقل انه يكون عارف ان الفلوس اللى حيدفعها عشان يشترى بيبسى او اى حاجة تانى رايحة لواحد بيساعد فى قتل اخوانه فى فلسطين وبعدين يقول انا زعلان على اللى بيحصل
من الاخر كده حتلاقى اعلانات المقاطعة فى اى حتة على النت و العملية مش صعبة يعنى انك تستغنى عن منتج وتبدله بمنتج تانى.
4- نشر القضية اكتر
عيلتك , اصحابك فى الكلية , جيرانك , اصحابك على الماسنجر . كل ما زاد عدد الناس اللى بتتبرع وبتدعى وبتقاطع كل ما كانت نصرتك اكبر للقضية
ولما تقابل ربنا يوم القيامة اكيد حيكون فى اجابات للسؤال اللى اتسأل فى الاول
موضوع: ما بين المظاهرة وواجبك نحو غزة ...هــــــــــــــــــام... 
السبت 10 يناير - 20:57
